မြန်မာပြည်ဈေးကွက်သို့ဝင်ရောက်လာတော့မည့် Huawei Nova 4

0
1395


ဖုန်း Screen အတွင်းထဲမှာပဲအပေါက်ပုံစံလေးလုပ်ပြီး Selfie Camera ထည့်သွင်းပေးထားတဲ့ Punch Screen နည်းပညာသစ်နဲ့စမတ်ဖုန်း ၁ မျိုးဟာ မကြာခင်မှာ မြန်မာပြည်ဈေးကွက်ထဲကိုဝင်ရောက်လာတော့မှာပါ။ ဒီ Display နည်းပညာသစ်ကြောင့် iPhone X မှာပြုလုပ်ခဲ့သလို ဖုန်းရဲ့ထိပ်မှာ Notch ပုံစံ (ထိပ်အချိုင့်ပုံစံ) နဲ့ Camera/Sensor နေရာတွေကို ဝိုက်ထားစရာမလိုတော့သလို ၊ Vivo Nex ,Oppo Find X နဲ့ Mi Mix 3 တွေမှာလို Selfie Camera ကိုဖုန်းကိုယ်ထည်အတွင်းထဲထည့်မြုပ်ထားပြီး လိုတဲ့အချိန်မှ Motorized စနစ်နဲ့ (သို့) Manual Slide နဲ့ဖုန်းကိုယ်ထည်အပေါ်ကိုကင်မရာထုတ်ရတဲ့ Solution မျိုးလည်းမလိုအပ်တော့ပါဘူး ။ 

**Huawei ရဲ့ Nova 4**

Nova 4 မှာတော့ ဖုန်းရဲ့ထိပ်ဘောင်နားအထိ Screen မျက်နှာပြင်ပြည့်ဖြစ်ပြီး ဖုန်းရဲ့ Screen/Display အတွင်းထဲ (ဘယ်ဘက်ထိပ်နား) မှာ 4.5 mm အရွယ်အပေါက်လေးတစ်ခုဖြစ်နေတာကိုတွေ့ရမှာပါ။ အဲ့ဒါ Selfie Camera ပါပဲ။ ဖုန်းရဲ့အောက်ဘောင် Chin နေရာကလည်း ယခင်ထက်သိသာစွာပိုပါးလာတာကိုလည်းတွေ့ရပါတယ်။ Screen size အနေနဲ့ 6.4-inch 2310×1080 IPS LCD display ကိုအသုံးပြုထားပါတယ်။ ဖုန်းနောက်ဘက်ခြမ်း Camera အနေနဲ့ ကင်မရာ ၃ လုံး (48MP (f/1.8) + 16MP (f/2.2) + 2MP (f/2.4)) တပ်ဆင်ထားပြီး ရှေ့ဘက်ခြမ်း Selfie Camera အနေနဲ့ 25MP AI Camera ကိုတပ်ဆင်ထားပါတယ်။

Nova 4 ရဲ့နောက်ဘက်ခြမ်းကင်မရာစနစ်ဟာ 4K Video များကိုလည်းရိုက်ကူးနိုင်ပါတယ်။ Nova 4 စမတ်ဖုန်းမှာ RAM 8GB ပါဝင်ပြီး Processor အနေနဲ့ Huawei ရဲ့အဆင့်မြင့် Chipset ဖြစ်တဲ့ Kirin 970 Chipset ကိုအသုံးပြုထားပါတယ်။ Battery အနေနဲ့ 3,750 mAh Battery ကိုတပ်ဆင်ထားပြီး အမြန်အားသွင်းစနစ်လည်းပါဝင်ပါတယ်။ အားသွင်းပေါက်အနေနဲ့ USB Type-C Port ကိုအသုံးပြုထားတာပါ။

Huawei Nova 4 စမတ်ဖုန်းကို ၂၀၁၉ နှစ်စပိုင်းမှာစတင်ဝယ်ယူရရှိနိုင်တော့မှာပါ။ ၂၀၁၈ ဟာ ထိပ်အချိုင့် Notch Display ပါတဲ့စမတ်ဖုန်းတွေအများအပြားထွက်ခဲ့သလို ၂၀၁၈ နှစ်မကုန်ခင်မှာပဲ ယခုလို Display နည်းပညာသစ်တရားဝင်မိတ်ဆက်ထွက်ပေါ်လာခဲ့ပါပြီ။ ၂၀၁၉ ကတော့ Display ရဲ့အတွင်းထဲမှာအပေါက်ပုံစံလေးလုပ်ပြီး Selfie Camera ထည့်ထားတဲ့စမတ်ဖုန်းအများအပြားကိုတွေ့မြင်ရတော့မှာပါ။

Leave a Reply

This site uses Akismet to reduce spam. Learn how your comment data is processed.