Huawei က ၂၀၁၉ ခုနှစ်မှာ 5G Internet သုံးနိုင်သည့် Smartphone ကို ရောင်းမည်

0
1604

ဟွာဝေးက ရှန်ဇန်မှာ ကျင်းပနေတဲ့ Global Analyst Summit မှာ သူ့ရဲ့ ပထမဆုံး 5G Phone ကို ၂၀၁၉ ခုနှစ် ဒုတိယနှစ်ဝက်မှာ ရောင်းချမယ်လို့ အတည်ပြုလိုက်ပါတယ်။ ဟွာဝေးက 5G Speed ကို ထုတ်လွှင့်ပေးတဲ့ Mobile WiFi Hotspot ကိုလည်း ထည့်သွင်းပေးမယ်လို့ ပြောပါတယ်။

စိတ်ဝင်စားစရာကောင်းတာက အနာဂတ် စမတ်ဖုန်းများမှာ 5G Speed ကို ရရှိဖို့အတွက် ဟွာဝေးက ဒီဇိုင်းထုတ်ထားတဲ့  Modems များပါလာကြမှာပါ။ ဟွာဝေးက Mobile World Congress 2018 မှာ Balong 5G01 Chip ကို ပြသခဲ့ပါတယ်။ အဲဒီ Chip ဟာ  5G ကို ထောက်ပံ့နိုင်မယ်လို့ ထင်ရပါတယ်။ ဒါပေ မယ့် 5G Chip ရဲ့ သတင်းအချက်အလက်များကိုတော့ မသိရသေးပါဘူး။

ဟွာဝေးရဲ့ ပထမဆုံး 5G Phone ဟာ Mate 30 ဖြစ်နိုင်ပါတယ်။ ဟွာဝေးရဲ့ Mate Series များကို ရောင်းချတဲ့ သမိုင်းကို ကြည့်မယ်ဆိုရင် နောက်ထွက်မယ့် Mate Phone ကို ၂၀၁၉ ခုနှစ် တတိယ ကွာတားမှာ ရောင်းချမှာပါ။ ဒါပေမယ့် ပထမဆုံး 5G Phone ဟာ ဟွာဝေးအတွက် သမိုင်းမှတ်တိုင်တစ်ခု ဖြစ်တဲ့အတွက် ကုမ္ပဏီက Series အသစ်ဖြင့် သူ့ကို မိတ်ဆက်နိုင်ပါတယ်။ ဒီလိုဖြစ်မယ်ဆိုရင် အဲဒီ အချိန်မှာ Mate 30 နဲ့ 5G Phone နှစ်ခုစလုံးကို တွေ့မြင်ရနိုင်ပါတယ်။

၂၀၁၈ ခုနှစ်ရဲ့ ပထမနှစ်ဝက်ဟာ ကုန်ဆုံးတော့မှာ ဖြစ်တဲ့အတွက် အခြား စမတ်ဖုန်း ထုတ်လုပ်သူများဟာလည်း သူတို့ရဲ့ 5G Phone နဲ့ ပတ်သက်တဲ့ သတင်းအချက်အလက်များကို ကြေညာတော့မယ်လို့ ထင်ရပါတယ်။ အခြား ကုမ္ပဏီများကလည်း ဟွာဝေးနဲ့ အချိန် အတူတူလောက်မှာပဲ သူတို့ရဲ့ 5G Phone များကို ရောင်းချနိုင်ပါတယ်။

 

Leave a Reply