ကြော်ငြာများမပါတဲ့ အခပေး Facebook Version ထွက်လာနိုင်

0
1660

အမေရိကန် လွှတ်တော်အမတ်များက User Data  များ ပေါက်ကြားမှုကြောင့် ခေါ်ယူ မေးမြန်းတဲ့အခါမှာ Facebook CEO Mark Zuckerberg က အနာဂတ်မှာ အခပေး Facebook Version ထွက်လာနိုင်တဲ့ သဘောမျိုး ပြောကြားခဲ့ပါတယ်။

 

လွှတ်တော် အမတ် Orrin Hatch က အခမဲ့ ၀န်ဆောင်မှု အနေဖြင့် User Data  များ စိတ်ချရစေဖို့နဲ့ ကြော်ငြာ အခြေပြု စီးပွားရေး လုပ်ငန်း မော်ဒယ် နှစ်ခုစလုံးကို ဘယ်လို ထိန်းကြောင်းမလဲလို့ မေးမြန်းခဲ့ပါတယ်။ Hatch က Facebook ကို အမြဲတမ်း အခမဲ့ အသုံးပြုခွင့်ပေးမလားလို့ မေးမြန်းတဲ့ အခါမှာ ဇူကာဘတ်က “ ဟုတ်ကဲ့။ အခမဲ့ အသုံးပြုနိုင်တဲ့ Facebook Version  တစ်ခုဟာ အမြဲ ရှိနေမှာဖြစ်ပါတယ်။ “  လို့ ဖြေခဲ့ပါတယ်။ သူ့ရဲ့ စကားအရ အခပေး ဗားရှင်းဟာ ထွက်လာနိုင်ခြေရှိပါတယ်။

 

Facebook ဟာ ယခင်ကလည်း သူ့ရဲ့ အခမဲ့ ၀န်ဆောင်မှုနဲ့ ပတ်သက်ပြီး မေးခွန်းထုတ်ခံရမှုများကို ရင်ဆိုင်ခဲ့ရဖူးပါတယ်။ လွှတ်တော်က မေးမြန်းမှု မတိုင်ခင် ရက်ပိုင်းအလိုကလည်း Facebook COO Sheryl Sandberg က “ Facebook ဟာ ကြော်ငြာ အခြေပြု စီးပွားရေး လုပ်ငန်း ဖြစ်ပြီး လူတွေက အဲဒီ ကိစ္စနဲ့ ပတ်သက်ပြီး မေးခွန်းများစွာ ရှိနေတယ်ဆို နားလည်ပါတယ်။ အဲဒီ မေးခွန်းများကို ဖြေကြားဖို့ အခွင့်အရေးရတာကို ၀မ်းသာပါတယ်။ တီဗီတို့၊ ရေဒီယိုတို့လိုပဲ ကြော်ငြာ အခြေပြု စီးပွားရေး လုပ်ငန်းများဟာ လူတွေ အခမဲ့ အသုံးပြုနိုင်အောင် ပြုလုပ်ပေးထားကြပါတယ်။ “ လို့ ကြော်ငြာ အခြေပြု စီးပွားရေးလုပ်ငန်းကို ကာကွယ်ပြောဆိုခဲ့ပါတယ်။

Leave a Reply