iPhone X ကိုရွှေရောင်ဖြင့်ထွက်ရှိဖို့ Apple စီစဉ်ခဲ့

0
2078

Silver, Space Gray စတဲ့အရောင် ၂ မျိုးနဲ့ထွက်ရှိထားတဲ့ iPhone X ကို Gold Color နဲ့ပါထုတ်လုပ်ရောင်းချဖို့စီစဉ်ခဲ့တယ်လို့ သိရပါတယ်။ အခုသတင်းကိုတော့ Apple က Federal Communications Commission (FCC) မှာ တင်ပြခဲ့တဲ့ သတင်းအချက်အလက်တွေအရသိရတာပါ။

ကုန်ပစ္စည်းအမျိုးအစားသစ်ကိုမိတ်ဆက်တော့မယ့်အခါ စမတ်ဖုန်း Company တွေဟာ ၄င်းတို့ရဲ့ Product အသစ်နမူနာများကို FCC သို့တင်ပြရလေ့ရှိပါတယ်။ Apple ဟာ ၂၀၁၇ စက်တင်ဘာလမှာ မိတ်ဆက်ခဲ့တဲ့ iPhone X အတွက် လက်ရှိရောင်းချနေတဲ့ Silver နဲ့ Space Gray အရောင်တွေအပြင် Gold Color နဲ့ iPhone X နမူနာကိုပါပူးတွဲတင်ပြခဲ့တယ်လို့ဆိုပါတယ်။

iPhone X Gold Color ဟာ iPhone 8/8 Plus တွေရဲ့ Gold Color နဲ့အတူတူပါပဲ။

အရောင် ၃ မျိုးနဲ့ထုတ်လုပ်ရောင်းချဖို့စီစဉ်ခဲ့သော်လည်း iPhone X ကို Gold Color နဲ့ ဈေးကွက်ထဲရောက်မလာခဲ့ခြင်းက Steel Frame ပေါ်မှာ Gold Color ဆေးအရောင်ကိုအသုံးပြုဖို့ ထုတ်လုပ်မှုပိုင်းဆိုင်ရာမှာ အခက်အခဲများရှိနေခဲ့၍ဖြစ်ကြောင်း  KGI Securities analyst Ming-Chi Kuo ကသုံးသပ်ပါတယ်။

လက်ရှိမှာတော့ iPhone 8/8 Plus များကို အနီရောင်ကိုယ်ထည်ဒီဇိုင်း (RED) edition နဲ့ထပ်မံမိတ်ဆက်လိုက်ပါပြီ။ ဒါပေမယ့် iPhone X ကိုတော့ အရောင်သစ်နဲ့ထပ်မံမိတ်ဆက်ခဲ့ခြင်းမရှိတာကြောင့် ယခင်ကတည်းကအစီအစဉ်ရှိခဲ့ဖူးတဲ့ Gold Color နဲ့ထပ်မံထွက်ရှိလာနိုင်ဦးမလားဆိုတာတော့ စောင့်မျှော်ကြည့်ရှုရဦးမှာပါ။

Leave a Reply