MS Word ကို ကျောက်သင်ပုန်းမှာမြေဖြူနဲ့ဆွဲပြီးသင်ပြခဲ့တဲ့ ကျောင်းဆရာ

0
1634

Ghana မှာရှိတဲ့ဆရာတစ်ယောက်က မြေဖြူနဲ့ သူ့ရဲ့ကျောင်းသားတွေကို MS Word ဘယ်လိုသုံးရသလဲဆိုတာ သင်ကြားနေတဲ့ ဖေ့စ်ဘွတ်သတင်းလေးက အတော်လေးပျံ့နှံ့သွားခဲ့ပါတယ်။

ဆရာရဲ့စိတ်ထားနဲ့ လုပ်ရပ်ကို လေးစားတဲ့လူတွေက ချီးကျူးဂုဏ်ပြုကြသလို စာသင်ခန်းထဲမှာ အသုံးပြုခွင့်မရတဲ့ ကွန်ပျူတာကို သင်ကြားပေးနေတဲ့ ဆရာ့အတွက် ဒေါသတွေထွက်၊ မကျေမနပ်ဖြစ်ပေးနေတဲ့သူတွေလည်း ရှိကြပါတယ်။

Owura Kwadwo ကတော့ Ghana ၊ Kumasi မှာ ICT (Information and Communications Technology) ကို သင်ကြားသူဖြစ်ပြီးတော့ ကျောင်းမှာတုန်းက visual arts ကို လေ့လာခဲ့သူတစ်ယောက်ပါ။ ဒီလိုအသိပညာတွေက သူ့ရဲ့စာသင်ကြားမှုကို အထောက်အပံ့ပေးနေခြင်း ဖြစ်ပါတယ်။ Bored Panda က Kwadwo ကို အင်တာဗျူးလုပ်တဲ့အချိန်မှာ အခုပျံ့နှံ့နေတဲ့ပို့စ်ကြောင့်မို့ လက်ပ်တော့တွေ၊ ပရိုဂျက်တွေ လှူဒါန်းလာကြတယ်လို့ ပြောကြားခဲ့ပါတယ်။

“ဒီလိုကိစ္စတွေနဲ့ ရင်ဆိုင်နေရတဲ့ ကျောင်းတွေအများကြီးပဲရှိပါတယ်” လို့ Bored Panda ကို ပြောခဲ့ပါတယ်။ “ကျွန်တော့အနေနဲ့ သူတို့ကို ကူညီချင်ပြီးတော့ လှူဒါန်းမှုအချို့ကိုလည်း သူတို့ကို ဝေမျှပေးချင်ပါတယ်။ ဒါမှလည်း ICT ကိုသင်ကြားခြင်းရဲ့ အကျိုးကျေးဇူးတွေကို သူတို့ခံစားနိုင်မှာပါ။”