MacBook နဲ့ Type C Port Only ကွန်ပျူတာတွေမှာအသုံးပြုနိုင်မယ့် 8-in-1HyperDrive USB-C hub

0
1854

အခုနောက်ပိုင်းထွက်တဲ့ MacBook အပါအဝင်အခြားသော မော်ဒယ်မြင့် ကွန်ပျူတာတွေမှာ ပုံမှန်မြင်တွေ့နေကျ USB Port တွေအစား အသုံးပြုရလွယ်ပြီးနေရာမယူတဲ့ USB Type C ခေါင်းတွေကိုထည့်သွင်းအသုံးပြုလာကြပါတယ်။ ဒါပေမယ့် ကွန်ပျူတာတစ်လုံးမှာ USB Port ပါဝင်တဲ့အရေအတွက်ကလည်းအလွန်နည်းပါးပြီးအများဆုံးနေရာ ၂နေရာလောက်ပဲပါဝင်တော့တာကိုတော့သတိထားမိမှာပါ။

ဒါ့အပြင် လက်ရှိအချိန်ထိအသုံးပြုနေတဲ့ Hard Disk , Smart Phone အပါအဝင် အခြားအခြားသော Cable တွေကလည်း USB Type A တွေအတွက်သာဖြစ်နေတာကြောင့် Type C ကွန်ပျူတာအသုံးပြုသူတွေအတွက် အတော်လေး ပြဿနာတက်နေတဲ့ကိစ္စလည်းဖြစ်နေပါသေးတယ်။

ဒီပြဿနာကို HyperDrive ကနေဖြေရှင်းပေးနိုင်မယ်လို့ဆိုပါတယ်။ ၄င်း Huab အနေနဲ့ Type A USB Port ၊ Memory Card Reader နဲ့ 4k HDMI Port တွေပါပါဝင်မှာဖြစ်ပြီး Datat Transfer speed ကလည်း 3.1 ပါဝင်တာကြောင့် Hard Disk ၂ လုံးကိုတောင် တစ်ပြိုင်တည်း အေးအေးဆေးဆေး အလုပ် လုပ်နိုင်ဦးမှာဖြစ်တယ်လို့ဆိုပါတယ်။

ဒါတင်မကသေးပါဘူး HyperDrive က ကြိုးမဲ့စနစ်ဖြင့် အမြန်အားသွင်းနိုင်တဲ့
Qi Wireless Charging စနစ်ကိုလည်းအသုံးပြုနိုင်မှာဖြစ်ပြီး Qi ရဲ့ Charging Standard 4 မျိုးဖြစ်တဲ့ 7.5W, 5W, 10W နဲ့ 15W တို့ကိုထောက်ပံ့ပေးထားတာကြောင့် တစ်ချက်ခုတ် နှစ်ချက်ပြတ်မယ့် USB Hub တစ်ခုလည်းဖြစ်နေပါသေးတယ်။
၎င်း USB Hub ကို Kickstarter page ကနေမှာယူနိုင်မှာဖြစ်ပြီး ဈေးနှုန်းကတော့ အမေရိကန်ဒေါ်လာ ၁၅၉ ခန့်ကျင်သင့်မှာဖြစ်ပါတယ်။

HyperDrive နဲ့ပတ်သက်တဲ့အသေးစိတ်အချက်အလက်တွေကိုတော့ ဒီနေရာကနေ ဝင်ရောက်လေ့လာဝယ်ယူနိုင်ပါတယ်။