Intel နှင့် ARM များ၏ Chip လုံခြုံရေးပြဿနာများကြောင့် iPhone ၊ iPad နှင့် Mac များအားလုံးအန္တရာယ်ရှိနေဟု Apple ထုတ်ဖော်ပြောကြား

0
2001

 

  • Meltdown နှင့် Spectre ဟူသည့် Processor လုံခြုံရေးလစ်ဟာမှုပြဿနာများ၏ အသေးစိပ်အချက်အလက်များ ယမန်နေ့ကထွက်ပေါ်လာ
  • Apple ၏ပြောကြားချက်အရ ထိုသို့သောအားနည်းချက်ကြောင့် Mac ၊ iPhone များ၊ iPad များနှင့် Apple TV များအားလုံးတွင် အန္တရာယ်ရှိနေ
  • ထိုမှတဆင့် ကိုယ်ရေးကိုယ်တာအချက်အလက်များနှင့် password များကို ဆိုင်ဘာရာဝတ်ဇ၀တ်ကောင်များ ခိုးယူသွားနိုင်ချေရှိ
  • ယုံကြည်ရသည့်အရင်းအမြစ်မှသာ Software ကိုDownload ပြုလုပ်ကြရန် Apple မှသတိပေးထုတ်ပြန်ထား

iPhone ၊ iPad နှင့် Macbook များအားလုံးဟာ ခိုးယူဝင်ရောက်ခံရနိုင်ချေရှိနေပါတယ်။ လူတွေရဲ့ ကိုယ်ရေးကိုယ်တာအချက်အလက်များစွာကို ဆိုင်ဘာရာဇ၀တ်ကောင်များခိုးယူသွားစေနိုင်သည့် Intel နှင့် ARM မှ Processor လုံခြုံရေးလစ်ဟာမှုပြဿနာကြောင့် Apple ၏ထုတ်ကုန်အားလုံးနီးပါးတွင် ကူးစက်ခံရနေကြောင်း အတည်ပြုပြောဆိုခဲ့ပါတယ်။

ထိုသို့သော် လစ်ဟာမှုများကြောင့် စက်ပစ္စည်းများတွင် Meltdown နှင့် Spectra ဟူသည့် လုံခြုံရေးကျိုးပေါက်မှုများဖြစ်ပွားစေကြောင်း လုံခြုံရေးသုတေသီများမှရှာဖွေတွေ့ရှိခဲ့ကြတာပဲဖြစ်ပါတယ်။ Apple ကတော့ App Store ကဲ့သို့သော လုံခြုံစိတ်ချရသည့်နေရာမှသာ သူ့ရဲ့ Platform အတွက် Software ကို Download ရယူရန် သတိပေးထုတ်ပြန်ထားပါတယ်။

Apple မှသူ့ရဲ့ထုတ်ကုန်သုံးစွဲသူများကိုကာကွယ်ပေးနိုင်ရန် စီစဉ်ထားပြီး နောက်ထပ် Update များထပ်မံထွက်ရှိပေးဦးမှာပဲဖြစ်ပါတယ်။ ယခု iOS 11.2၊ macOS 10.13.2 နှင့် tvOS 11.2 တို့တွင် Meltdown ကိုကာကွယ်ပေးနိုင်ပြီဖြစ်ပါတယ်။ Apple Watch ကတော့ယခုကဲ့သို့ကူးစက်ခံရခြင်းမရှိသေးပါဘူး။ Spectre ကိုကာကွယ်နိုင်ရန် သူ့ရဲ့ Safari Web Browser အတွက်လည်း ကုမ္ပဏီမှမကြာခင်မှာပဲ Update များ လွှင့်တင်ပေးတော့မှာပါ။ သင့်အတွက်လုံခြုံစိတ်ချရစေရန်သင့်ဖုန်းတွင် နောက်ဆုံး Software Update ပြုလုပ်ထားရန် လိုအပ်ပါတယ်။

iOS အတွက် Settings >>General>>Software Update ကိုသွားရောက်ကာ Download ပြုလုပ်ပြီး Install ပြုလုပ်လိုက်ပါ။

MacOS အတွက် App Store ကိုဖွင့်လိုက်ပြီး App Store Toolbar မှ Updates ကိုနှိပ်လိုက်ပါ။ ထို့နောက် Update များပြုလုပ်ပြီး install ပြုလုပ်နိုင်ရန် Update ခလုတ်လေးကိုနှိပ်လိုက်ပါ။

Apple TV များတွင် Settings>>Systems>>Software Updates သို့သွားပါ။ Update Software ကိုရွေးချယ်ပါ။ ထို့နောက် Download ရယူပြီး Install ပြုလုပ်ပါ။ Update ပြုလုပ်ပြီးပါက သင့် Apple TV သည် restart ကျသွားမှာဖြစ်ပြီး Update အတွက်ပြင်ဆင်ပေးမှာပါ။

Browser ကုမ္ပဏီတွေဖြစ်တဲ့ Google ၊ Microsoft Corp နှင့် Mozilla Corp ၏ Firefox တို့အားလုံးကလည်း သူတို့ရဲ့လက်ရှိ Browser များမှ iOS အသုံးပြုသူများကိုကာကွယ်ပေးနိုင်မှာမဟုတ်ကြောင်း အတည်ပြုပေးခဲ့ကြပါတယ်။

လက်ရှိ Safari နှင့်အခြားသောနာမည်ကြီး Browser များအားလုံးကိုပြင်ဆင်မွမ်းမံမှုများ မပြုလုပ်နိုင်သေး၍ သန်းပေါင်းများစွာသော iPhone နှင့် iPad အသုံးပြုသူများအနေနဲ့ Web Browser များအသုံးပြုရာတွင် လုံခြုံမှုရှိဦးမှာမဟုတ်ပါဘူး။

လက်ရှိအချိန်ထိတော့ အဆိုပါလုံခြုံရေးလစ်ဟာမှုကြောင့် အခွင့်ကောင်းယူခံရမှုများနှင့်ပတ်သက်ပြီး သုံးစွဲသူများဖက်မှတိုင်ကြားမှုမရှိသေးကြောင်း Apple မှဆိုပါတယ်။ “ယခုကဲ့သို့လုံခြုံရေးလစ်ဟာမှုကို အခွင့်ကောင်းယူပြီး ခိုးဝင်ရောက်မှုများပြုလုပ်ရန်အတွက် မိမိ၏ Macbook သို့မဟုတ် iOS သုံးစက်ပစ္စည်းတွင် ဗိုင်းရပ် program များလိုအပ်ဦးမည်ဖြစ်သည့်အတွက် App Store ကဲ့သို့သော စိတ်ချရသည့်နေရာမှသာ Software Update ပြုလုပ်သင့်ပါတယ်” ဟု Apple မှသတိပေးထားပါတယ်။ “ကျွန်တော်တို့အနေနဲ့ ယခုပြဿနာများကို ဖြေရှင်းကာကွယ်နိုင်ရန် စမ်းသပ်ဖန်တီးလျက်ရှိပြီး နောက်အသစ်ထွက်ရှိမည့် iOS ၊ MacOS ၊ tvOS နှင့် watchOS Update များတွင် ထည့်သွင်းပေးသွားမည်ဖြစ်ပါတယ်”ဟုပြောကြားသွားပါတယ်။

နည်းပညာကုမ္ပဏီများအနေနဲ့ ယမန်နှစ်ကတည်းကပင် ၂၀၁၇ခုနှစ်ဇွန်လတွင်းတွင် Intel ၏သတင်းပေးမှုကြောင့် ထိုသို့သောဗိုင်းရပ်စ်များကို သတိထားမိခဲ့ကြသော်လည်း ယခုမှသာလူသိရှင်ကြားဖြစ်သွားခဲ့တာဖြစ်ပါတယ်။

Apple အနေနဲ့လည်း ၄င်း၏ထုတ်ကုန်အသုံးပြုသူသန်းပေါင်းများစွာ၏အရေးကိစ္စနဲ့ပတ်သက်ပြီး တစ်ရက်ထက်ပိုကာ နှုတ်ဆိတ်နေခဲ့ပါသေးတယ်။ ဆိုင်ဘာလုံခြုံရေးကုမ္ပဏီ Carbon Black ၏အတိုင်ပင်ခံနှင့် တွဲဖက်တည်ထောင်သူဖြစ်သည့် Ben Johnson ကတော့ Apple ထုတ်ကုန်သုံးစွဲသူများ အန္တရာယ်ရှိနေကြောင်းကို အချိန်မှီအသိမပေးခဲ့နိုင်ခြင်းသည် သုံးစွဲသူများမိမိ၏ထုတ်ကုန်များကိုပိုမိုအသုံးပြုစေရန် Apple ၏အားသွန်ခွန်စိုက် လုပ်ဆောင်မှုအပေါ်သက်ရောက်မှုရှိစေနိုင်ကြောင်း ပြောကြားသွားခဲ့ပါတယ်။