Enterprise Trending

လူတစ်ယောက်ဖျားနာနေသည်ကို အလိုအလျောက်သိနိုင်ကြောင်း သိပ္ပံပညာမှသက်သေပြခဲ့

အများအားဖြင့် ကျယ်လောင်စွာချောင်းဆိုးခြင်း၊ နှာရည်ယိုခြင်းတို့ဖြင့် လူတစ်ယောက်ဖျားနာကြောင်းကို အလွယ်တကူပြောသော်လည်း တစ်ခါတစ်ရံတွင် အဖျားလက္ခဏာများမှာသိသာထင်ရှားလေ့မရှိပါဘူး။ အခုအခါမှာတော့ လူသားတွေဟာ သင်မသိသည့်လူတစ်ယောက်ကို သိသာထင်ရှားသည့် လက္ခဏာမရှိဘဲ ထိုသူ ဖျားနာနေကြောင်းကိုလွယ်ကူစွာ ကောင်းကောင်းပြောနိုင်ကြောင်း လေ့လာမှုသစ်တစ်ရပ်က ဖော်ပြလိုက်ပါပြီ။

လူတစ်ယောက်၏အသားအရည်တွင်ပြောင်းလဲမှုအနည်းငယ်ဖြစ်ပွားနေခြင်း၊ နှုတ်ခမ်းအရောင်အနေအထား နှင့် မျက်ခွံ့ကျနေသည့်အနေအထားတို့ကိုကြည့်ခြင်းအားဖြင့် လူတစ်ဦးဖျားနာမှုရှိမရှိ စစ်ဆေးနိုင်ပြီပဲဖြစ်ပါတယ်။ လက်ရှိ သိပ္ပံပညာရှင်များမေးခွန်းထုတ်နေကြတာကတော့ လူတစ်ဦးဖျားနာခြင်းရှိမရှိကို လူသားတွေအနေနဲ့ အဖန်ဖန်အခါခါလေ့လာမှုကြောင့် သိနိုင်သလား၊ ကျွန်ုပ်တို့၏မွေးရာပါ ဦးနှောက်စွမ်းဆောင်ရည်အရလား ဆိုတာပါပဲ။

Proceedings of the Royal Society မှထုတ်ဝေခဲ့သည့်လေ့လာမှုတစ်ရပ်တွင် လူသားများ ဖျားနာသည့်အခါ မျက်နှာအသွင်အပြင်ပြောင်းလဲမှုတွေကို စမ်းသပ်ထားပါတယ်။ သုတေသီများဟာ ကျန်းမာသည့်စေတနာ့ဝန်ထမ်း ၁၆ဦးကို ဓာတ်ပုံရိုက်ယူထားလိုက်ပါတယ်။ ထို့နောက် သူတို့ကို ဖျားနာစေသည့် Microogranisms များကို ထိုးသွင်းပြီး ဖျားနာအောင်ပြုလုပ်လိုက်ပါတယ်။

ထိုသို့ထိုးသွင်းမှုကြောင့် လူ့ကိုယ်ခံအားစနစ်ကိုသက်ရောက်မှုရှိနေပြီး ရုပ်ပိုင်းဆိုင်ရာအသွင်အပြင်ကိုလည်း တဖြေးဖြေးပြောင်းလဲလာစေပါတယ်။ စမ်းသပ်ခံသူများအနေနဲ့ ဖျားနာမှုအဆင့်အမြင့်ဆုံးရောက်ရှိသွားသည်နှင့် ဒုတိယမြောက်ဓာတ်ပုံကိုရိုက်ယူထားလိုက်ကြပြီး ကျန်းမာစဉ်ကဓာတ်ပုံနှင့် ဖျားနာစဉ်ဓာတ်ပုံနှစ်ခုလုံးကို လူပေါင်း၁၀၀နှင့်အထက်အားပြသပြီး သူတို့၏မျက်နှာအသွင်အပြင်အရမှတ်ချက်ချစေပါတယ်။

ဝေဖန်ကြည့်ရှုသူများကို အသားအရည်အနေအထားနှင့် သိသာသည့်အသွင်အပြင်ရှိမရှိ အဓိကထားကြည့်ရှုစေပါတယ်။ ဓာတ်ပုံတစ်ပုံစီကိုလည်း ငါးစက္ကန့်ခန့်သာကြည့်ရှုစေပြီး လူတစ်ဦးကျန်းမာခြင်းရှိမရှိကို လျှပ်တပြက် ခန့်မှန်းကောက်ချက်ချစေပါတယ်။

ဓာတ်ပုံအားလုံးသာ ဝေဖန်ကြည့်ရှုစေပြီးနောက် သုတေသီများကို အချက်အလက်များကိုစုစည်းပြီး ဓာတ်ပုံများကိုကြည့်ရှုသူများဟာ ၇၀ရာခိုင်နှုန်းအထိ လူတစ်ယောက်ဖျားနာခြင်းရှိမရှိကို အကြမ်းဖျင်းမှန်ကန်စွာ ပြောပြနိုင်ကြောင်း ဆုံးဖြတ်ချက်ချခဲ့ပါတယ်။ လေ့လာစမ်းသပ်မှုအနေအထားရ ဒါဟာကျစ်လစ်ခိုင်မာသည့် သက်သေပြချက်ပဲဖြစ်ပါတယ်။ အဆိုပါအဖွဲ့အနေနဲ့ နောက်ထပ်ခြေလှမ်းဖြစ် ကျွမ်းကျင်ဆရာဝန်များဟာ သာမန်လူသားထက် ဖျားနာသည့်လူများကိုပိုမိုလွယ်ကူစွာ သတ်မှတ်နိုင်ခြင်းရှိမရှိ လေ့လာသွားဦးမည်ဟု ဆိုပါတယ်။

 

myanmarmobileapp
Myanmar Mobile App Store www.myanmarmobileapp.org